ဒီနေ့ ပို့စ်တင်ဖို့ လိုက်ရှာရင်းနဲ့ ဘာမှလဲ ရေးစရာကမရှိတော့ ကျွန်မသူငယ်ချင်းတစ်ယောက် မေးလ် forward လုပ်လာတဲ့ အီးမေးလ်ထဲက ပုံပြင်လေးတစ်ခုကို တင်ပြလိုက်ပါတယ်ရှင်... ဘယ်သူဘယ်ဝါ ရေးသားတယ်ဆိုတာ မသိရသောကြောင့် ရေးသားသူနာမည်ကို မဖော်ပြလိုက်ရပါ... Original forward အီးမေးလ်ထဲမှာ ပါတဲ့စကားလုံးလေးတွေက မှားတာကြောင့် ကျွန်မ စာဖတ်သူတို့ အဆင်ပြေအောင် အနည်းငယ်စာသားတွေကို ပြင်ဆင်ထားပါတယ်ရှင်... အကယ်၍ ရေးသားသူ(နာမည်မသိ) ကသူ့စာသားတွေကို ပြင်ဆင်ရကောင်းလားလို့ အပြစ်တင်လာရင်တော့ ကျွန်မ၏စေတနာ အမှားသာဖြစ်ပါတယ်... ဒီပုံပြင်ဆောင်းပါးလေးမှာ ကျွန်မကိုယ်တိုင် ရေးသားခြင်းမဟုတ်ပါ... ကျွန်မသူငယ်ချင်းပေးပို့လိုက်သော အီးမေးလ် forward မှရရှိခြင်းသာ ဖြစ်ပါသည်... မိန်းမသားဘဝအတွက် သတိပြုစရာလေးများ ဖြစ်သောကြောင့် ကျွန်မပို့စ်တင်ဖြစ်သွားတာပါ... မမှားသင့်တာ မမှားအောင် ကာကွယ်ရမှာက ကျွန်မတို့ရဲ့မိန်းမသားဘဝ မဟုတ်လား... ငယ်ရွယ်နုပျိုသော ညီမငယ်လေးတို့ သတိပြုမိအောင် ရည်ရွယ်၍ ဒီပို့စ်ကိုတင်မိခြင်းဖြစ်ပါသည်....မိန်းကလေးတွေတစ်ဘ၀လုံးအတွက်
ဆောင်းပါးလေးက ဒီလိုပါ...
" ရွာတစ်ရွာမှာပေါ့ သိပ်ချစ်ကြတဲ့ ချစ်သူနှစ်ဦးရှိကြတယ်..... အရမ်းလဲချစ်ကြတော့ နီးစပ်ဖို့အရေး ကြိုးစားကြတာပေါ့... လုလင်ပျိုက လုံမလေးကို ခိုးပြေးဖို့ ချိန်းပါတယ်.... ညသန်းခေါင်ယံမှ လုံမလေးအိမ်ရှေ့က စံပယ်ရုံအကွယ်ကနေ ရွှေဂျိုးကူသံပြုရင် လုံမလေးက ထွက်လာဖို့ချိန်းတယ်... ချိန်းဆိုတဲ့ညမှာ လုံမလေးလဲ တကူ.... ကူး ... ကူ ဆိုတဲ့ အသံကြားတာနဲ့ အထုတ်ဆွဲထွက်လာခဲ့တယ်... နှစ်ယောက်သား တောထဲကို ထွက်ပြေးကြတာပေါ့... တော်တော်လေးလဲ ခရီးရောက်တော့ ဗိုက်ကဆာလာတာပေါ့... အဲဒီမှာဘဲ လုံမလေးပါလာတဲ့ ထမင်းထုပ်ကို နှစ်ယောက်ခွဲ စားမယ်လုပ်တယ်.... ထမင်းထုပ်ကိုဖွင့်လိုက်တော့ ပုဇွန်ထုပ်က တစ်ကောင်ပဲ ပါလာတယ်... အဲဒီတော့ လုလင်ပျိုက ပုဇွန်ထုပ်ကို ထမင်းပုံအလယ်မှာ ထောင်ထားမယ်... ထမင်းထုပ်ကို နှစ်ယောက်တူတူစားရင်း ပုဇွန်ထုပ်လဲသွားဘက်ကသူက ပုဇွန်ထုပ်ကို စားဖို့ ပြောတယ်... အဲလိုနဲ့ လုလင်လဲ ဆာဆာနဲ့စားလိုက်တာ ထောင်ထားတဲ့ ပုဇွန်ထုပ်က လုလင်ဘက်ကို လဲသွားတာပေါ့... အဲဒီတော့ လုလင်က ပုဇွန်ထုပ်ရဲ့ ခေါင်းပိုင်းကို စပြီးစားလိုက်တယ်.... လုံမလေးက တွေးမိတယ် သြော်... ခေါင်းပိုင်းမို့ ငါ့ကိုမကျွေးတာပါပေါ့.... နောက် လုလင်က အမြီးပိုင်းကို ကိုက်လိုက်တယ်... လုံမလေးလဲ တွေးပြန်တယ် သြော်.... အမြီးပိုင်းမို့ ငါကိုမကျွေးတာနေမှာပါပေါ့... နောက်ဆုံး လုလင်က
ပုဇွန်ထုပ်ကြီးရဲ့ အလယ်ပိုင်းကို စားလိုက်တယ်... အဲဒီတော့ လုံမလေးလဲ ပုဇွန်ထုပ်ကို နည်းနည်းမှ မစားလိုက်ရရှာဘူး.... ထမင်းလဲ စားပြီးရော လုလင်က ရေဆာတယ်လို့ ဆိုပြန်တယ်.... အဲဒီမှာ လုံမလေးလဲ ရေရှာပြီး တိုက်ရပြန်တာရော.... ရေသောက်ပြီး လုလင်ပျိုလဲ မောမောနဲ့လဲအိပ်ပျော်သွားတာပေါ့.... အဲဒီအချိန်မှာဘဲ လုံမလေးလဲ ရွာဘက်ကို အပြေးပြန်လာပါတော့တယ်... နောက်နေ့မှာ လုလင်ပျိုလဲ ရွာပြန်ရောက်ပြီး သန်းခေါင်ယံအရောက်မှာ လုံမလေးအိမ်ရှေ့က စံပယ်ရုံနောက်ကွယ်ကနေ ရွှေဂျိုးကူသံ ထပ်ပေးပါတယ်..... အဲဒီအချိန်မှာတော့ လုံမလေးက ထွက်မလာတော့ပါဘူး.... အခန်းပြတင်းကနေပဲ လှမ်းပြောလိုက်ပါတယ်...... "တော်ပါတော့မောင်ကြီးရယ် ပုဇွန်ထုပ်လဲ ကတည်းက စိတ်ဝမ်းကွဲလို့ ဝေးကြရပြီလို့သာ မှတ်လိုက်ပါတော့" တဲ့လေ...
မိန်းကလေးတွေ တစ်ဘ၀လုံးအတွက်ရည်ရွယ်ထားရင် အချစ်မှာ မျက်စိရှိဖို့လိုပါတယ်...အပေါ်ယံ အရေပြားက အလှတရားထက် ကိုယ်နဲ့ တစ်ဘ၀လုံး အေးအတူပူအမျှ စိတ်ထားနိုင်မယ့်သူကို ရွေးချယ်ဖို့ လိုအပ်ပါတယ်...
