“မွေးနေ့ဆုတောင်းသ၀န်လွှာ”

| |


ရက်၊ လ ရှည်ကြာ နေခဲ့သူ သူ့ဝမ်းမှာ
ရှုမချမ်းသာ ဒုက္ခအဖြာဖြာကို ရင်စီးခံကာ
ချဉ်၊ ငံ၊ ပူ၊ စပ် စသည် အစာကို လျှောင်ကြင်လျှက်
ငါ့အား စာနာထောက်ထားခဲ့တဲ့ အမေ…။

ကိုးလလွယ်၍ ဆယ်လဖွား
သူ့ဝမ်းတွင်းမှ လွတ်မြောက်ခဲ့သူ ငါ့အတွက်
ကြင်နာယုယ သူ့အနွေးဓါတ်ဖြင့်
ပြုစုခဲ့တဲ့ အမေ…။

လူရယ်သိစ အရွယ်ရယ်ရောက်
အရာရာညွှန်ပြ သူ့ဆုံးမကြောင့်
ကြောင်းကျဆင်ခြင် လူအသွင်သို့
ပြောင်းလည်း ဖန်တီးပေးခဲ့တဲ့ အမေ…။

ချိန်ခါအရွယ်ရောက် လူ့ဘ၀ထဲ
ကြင်လည်ကျက်စား လူသူအလည်မှာ
အရာရာမှာ မနိမ့်ကျစေဖို့
ဟိုဒီညွှန်ပြ စီစဉ်ဖြောင်းဖျပေးခဲ့တဲ့ အဖေ…။

ဥယျာဉ်မှူးအသွင် သူတို့တွေမှာတော့
ပြုစုပျိုးထောင်ပေးခဲ့တဲ့ ငါ့အတွက်
အောင်ညွန့်တလူလူ လေးတွေကိုခံစားပြီး
ပီတိကိုစား အားရှိနေခဲ့တဲ့ အမေနဲ့အဖေ…။


နှစ်တွေ အလီလီပြောင်းခဲ့သော်လည်း၊ အမေနဲ့အဖေရဲ့ နွေးထွေးမှုအရိပ်ရဲ့အောက်မှာ ကြီးပြင်းခဲ့တဲ့ သမီးအတွက် သမီးဘ၀တစ်သက် ဘယ်တော့မှမေ့လို့မရတဲ့ သမီးရဲ့မွေးနေ့လေးနဲ့ထပ်တူ အမေနဲ့အဖေကို ဂါရ၀ပြုနေမှာပါ…။

သမီးရဲ့ မွေးနေ့မှာ
သမီးအပျော်ရွှင်ဆုံးနေ့ဖြစ်သလို၊ သမီးရဲ့အမေနဲ့အဖေ၊ သမီးရဲ့ မိသားစုနွယ်၊ သမီးရဲ့ သူငယ်ချင်းများနှင့် သမီးနဲ့ ဆက်နွယ်ခဲ့သူများအားလုံး ပျော်ရွှင်ချမ်းမြေ့ခြင်းအတိနဲ့ အရာရာပြည့်စုံတဲ့ ဘ၀လေးတွေ ပိုင်ဆိုင်နိုင်ကြပါစေလို့ သမီးဆန္ဒပြု ဆုတောင်းပေးလိုက်ပါတယ်။



0 comments:

top