နှစ်ဆယ်ရာစုရဲ့အဆုံးသတ်

နှစ်ဆယ်ရာစုရဲ့အဆုံးသတ်

ဘဝဆိုတဲ့ ခရီးလမ်းကြောင်းကို

မမောတန်း လျှောက်လှမ်းရင်း

နှစ်ဆယ်ရာစုကိုကျောခိုင်း

သုံးဂဏန်းရဲ့အစကို

ရောက်ခဲ့ပြီ...

ဒီနေ့ ဒီလိုအချိန်

ဟိုးအဝေးအတိတ်လွင်ပြင်မှာ

အမေပီတိတွေဝေဖြာနေမလား

အန္တရယ်တွေဖြတ်ကျော်နေမလား...

ဒီနေ့ဒီလိုအချိန်မှာတော့

တစ်နှစ်တစ်ခေါက် မရိုးရလေအောင်

အမေ သမီးကို

ဆုမွန်တွေချွေပေးနေတယ်...

အချိန်တွေဒီရေလိုတိုး

အတိတ်အနာဂတ်တွေမှာ

မျက်စိမှိတ်မကျန်ရစ်အောင်

တွန်းအားတွေပေးခဲ့တဲ့အမေ...

ရာစုနှစ်တွေပြောင်းသွားသည့်တိုင်

ဘယ်သောကာလမဆို

အမေ့မျက်ဝန်းမှာ

လူလားမမြောက်သေးတဲ့

ကလေးအရွယ်တဲ့လားအမေ...

ထာဝစဉ်အမေ့အပြုံးတွေ

အသက်ဝင်စေဖို့

သမီးကြိုးစားလျှက်ပါ...

(ကြယ်စင်နတ်သမီး)

***************************************

တစ်ခါပြန်လာ ၁၉ စက်တင်ဘာ

နေ့ကို ညသယ်

ညကို နေ့ပြန်သယ်

ကမ္ဘာကြီးလည်ရင်း

မပြောင်းလဲသေးတဲ့ သူတစ်ယောက်ကလည်း

ပြောင်းလဲမှုတစ်ခု ဖြစ်ခဲ့ပြီ .....

ပစ္စုပ္ပန် မှာ ပြုလုပ်ခြင်းက

အတိတ် ဖြစ်ခဲ့သလို

အနာဂတ်ရဲ့ ဖြစ်တည်မှုဆိုတာလည်း

ပစ္စုပ္ပန် ကို စောင့်မျှော်ခြင်းဖြစ်တယ် ...

ပူခြင်း အေးခြင်း

မွှေးခြင်း နံခြင်း

ဖြစ်ခြင်း ပျက်ခြင်းတွေနဲ့ သတ္တလောက

ဘယ်လိုကကြိုးတွေနဲ့ က က

ဘဝဆိုတာ ဘဝပါပဲ ...

အဲဒီ ဘဝ ထဲမှာ လဲ

ဖျက်မရတဲ့ အမှတ်တရတွေရှိတယ် ...

အစက်ကျသမျှ အရုပ်ထင်ရတဲ့ သံသရာ

အဖန်တရာမက ဒီလိုနေ့မျိုးတွေရခဲ့တာပဲ ...

မှန်ရာကို မသိသေးသမျှလည်း

ဒီလိုနေ့တွေ ငါတို့ ထပ်ရနေဦးမှာပဲ ...

တစ်ခါပြန်ကျတဲ့ ဒီနေ့

ဒီဘဝအတွက် ဒီတစ်ခါပဲတွေ့ရတာမို့

အမှတ်တရ တစ်ခု ဖြစ်ခဲ့ပြီ ...

မော်ကွန်းမတင်ပါ

ကဗ္ဗည်းမထိုးပါ

ရိုးရိုးလေး မှတ်ယူ

သူမရင်ထဲမှာပဲ မိုင်တိုင်ထူခဲ့ပြီ ...

အယူအဆ မတူကြတဲ့လောက

သူမအတွက်တော့ ဒီနေ့က အမှတ်တရတစ်ခု

အချက်ကျကျပြုပြီး ဘ၀ကို ဖြတ်

ရပ်နေရတဲ့နေရာမှာ ပျော်အောင်နေရင်း

နေကို နောက်တစ်ပတ်ပြည့်ဖို့ ပြန်မျှော်နေဦးမယ် ....

စက်တင်ဘာ ၁၉ ဆိုတာ

အချိန်တွေ ဘယ်လို တိုးတိုး

သူမအတွက် မရိုးနိုင်တဲ့ ဆန်းသစ်မှု တစ်ခုမို့

အခုကစ နောင်ကြုံမယ့် ကာလမှာ

လိုအပ်ဟူသမျှ ပြည့်ပါစေ .....

(ဖြိုးငယ်)

************************************************

ရင်မှာတွယ်ယှက် မေ့ဖို့ခက်တဲ့

အစဉ်မြတ်နိုး စက်တင်ဘာ ၁၉ ... သို့

မမျှော်လင့်ပေမယ့် ဆုံတွေ့ခဲ့တဲ့

မိုးရာသီရဲ့ ညတညပေါ့...

ရေစက်တွေကို အဖော်ပြုရင်း

အေးချမ်းမှုကို ရစေခဲ့တဲ့ နာမည်က အစတည်လို့...

ကိုယ်တိုင် မိတ်ဆက်ခဲ့တာ မမေ့နိုင်ပါဘူးလေ။

အရောင်မဆိုးတဲ့ ခင်မင်မှုတွေကို အဖော်ပြု

ရမ်းမထိတဲ့ မိုင်းဗုံးလို ငြိမ်သက်ခဲ့တယ်လေ...

ချစ်ခြင်းရယ် မဆိုင် ဘယ်လိုများ တွယ်မိပါရဲ့

တယ်ဆိုးလိုက်တာလို့ မပြောချင်တော့တာ

မကြီးသိပါတယ်လေ။

(အောင်ဦး)

**********************************************

ချစ်ခြင်းများစွာဖြင့်

ပထမ…

အမေ့ကို မှီခဲ့တယ်

ကိုးလလွယ် ဆယ်လဖွားစဉ်က အူဝဲတဲ့…။ ။

ဘာတွေ အဆင့်ဆင့် ဖြတ်သန်းလာတော

့အမေ..အမေ… အဝေးမှာ ရှိနေသရွေ့ အမေ့ကို လွမ်းတယ်…

အမေ.. ဒီနေ့ သမီး မွေးနေ့လေ…

အမေ့ရင်ထဲမှာ အမေ့ချစ်သမီးအတွက်

ဗလောင်ဆူပြီး ရင်ထဲမှာ သမီးဆိုတာ ပူနေမလား…။ ။
လိမ္မာနေပါတယ်… ကြိုးစားနေပါတယ်…

သမီးက အမေ့ရဲ့… တစ်…

အားလုံးရဲ့…. တစ်…

အမေ့… သမီး အမေ့ကို ကန်တော့ပါတယ်…

ချစ်ခြင်းများစွာနဲ့… တစ်ဖြစ်ချင်တဲ့ သမီး။ ။

(သားဖြိုး)