"ငယ်ကအချစ်ဦး အနှစ်ဦးမို့ အနှစ်တစ်ရာ မမေ့သာ" တဲ့... "ငယ်ကသူငယ်ချင်းကောင်း အနှစ်တစ်သောင်း မမေ့စကောင်း" လို့ပြောချင်တယ် သူငယ်ချင်းတို့ရယ်... ငယ်ကသူငယ်ချင်းတွေကို အဝေးမှာရောက်နေပေမဲ့ ဒီနေ့ဒီအချိန်ထိ မေ့မရသတိရဆဲပါ... တို့တွေ တာဝန်ကိုယ်စီနဲ့ ကိုယ့်ဘ၀ကိုယ် လျှောက်လှမ်း နေကြတဲ့အချိန်မှာ ... အချိန်တွေကိုသာ ပြန်ပြောင်းလို့ရမယ်ဆိုရင် အရမ်း ပျော်စရာ ကောင်းတဲ့ ခုနှစ်တန်းကျောင်းသူဘ၀ကို ပြန်လိုချင်မိတယ်... သူငယ်ချင်းတို့ရေ... တို့တွေမိုးရေထဲမှာ ထီးတွေပါရဲ့ သားနဲ့ ပိတ်ထားပြီး မိုးရေတွေ ချိုးခဲ့ကြတာတွေ... မုန့်တီစားပြီးတိုင်း မုန့်လင်မယားစားချင်လို့ တကူးတက တောင်ဥက္ကာထိတောင် လမ်းလျှောက်ပြီး သွားဝယ် စားခဲ့တာတွေ... ဆရာမအိမ်သွားရင်းနဲ့ သူများအိမ်က ပန်းလိုချင်တော့ ထီးတွေနဲ့ လှမ်းပစ်ပြီး ပန်းတွေခြွေချခဲ့တာတွေ... ခရေပန်းပင်အောက်မှာ သူအပြိုင် ကိုယ်အပြိုင် ပန်းတွေ ကောက်ခဲ့တာတွေ... ဆောင်းရာသီရောက်ရင် မနက်အစောကြီး အင်းယားကန်စောင်းမှာ ထပြေးခဲ့တာတွေ... ကြက်တောင်ရိုက် ခဲ့တာတွေ... လေးတန်းအစိုးရစစ်စာမေးပွဲမို့လို့ ဆရာမက အိမ်ခေါ် ညသိပ်ပြီး စာသင်ပေးခဲ့တဲ့ အချိန်... ဆရာမသုတ်ကျွေးတဲ့ လက်ဖတ်သုတ်တွေကို တို့တွေ အလုအယှက် တစ်ပျော်တစ်ပါးစားခဲ့တဲ့ အချိန်တွေကို ပြန်တမ်းတမိပါရဲ့ကွာ... တို့တွေမူကြိုဘ၀ထဲက လည်ပင်းဖတ်ပြီး ကြီးပြင်းလာကြတဲ့ သူငယ်ချင်းညီအစ်မ တွေပေမဲ့ တစ်ကယ့်ညီအစ်မ တွေထက်တောင် ပိုချစ်ခဲ့ကြတယ်နော်... တို့တွေအခုချိန်မှာ ဝေးနေကြပေမဲ့... နောင်တစ်ချိန်မှာ ပြန်စုံစည်းဖို့အတွက် တို့ကြိုးစားနေစဲပါ သူငယ်ချင်းတို့ရယ်... အခုတော့ သူငယ်ချင်းတို့ရေးလိုက်တဲ့ စာတွေရယ်... ဖုန်းထဲက ကြားရတဲ့ အသံလေးတွေရယ်နဲ့ပဲ အလွမ်းစိတ်တွေ ဖြေဖျောက် နေရတုန်းပေါ့... (ကံမကောင်းစွာနဲ့ သူငယ်ချင်းများထဲမှာ တစ်ယောက်ထဲ ခွဲထွက်ခဲ့ရတဲ့ တို့ကို နှစ်ပေါင်းများစွာ ကြာခဲ့သည့်တိုင် စာတွေရေးနေသော... ဖုန်းတွေပြောပေးသော... မြန်မာပြည်မှာ ကျန်ခဲ့တဲ့ ချစ်သူငယ်ချင်း (၇) ယောက်အတွက် အမှတ်တရ)... "Friendship Last Forever"
0 comments:
Post a Comment